Sarebideren helburua euskarazko komunikabideen arteko elkarlana sustatzea, publiko berriengana iristea, edukiak eta baliabideak partekatzea eta digitalizazio prozesuak garatzea dira. Proiektu horretan elkarlanean arituko da Hamaika Telebista beste bost komunikabiderekin batera:Berria, Euskal Irratiak, Kanaldude, Elhuyar eta Euskalerria Irratia.

Sarebide egitasmoak hiru urteko iraupena eta 2,6 milioi euroko aurrekontua izanen ditu. Horietatik, 1,7 milioi inguru finantzatuko dituzte Europako funtsekin.

Proiektuak Nafarroa-Euskadi-Akitania Berria euroeskualdearen finantzaketa jasoko du, Europako Batasunaren Interreg POCTEFA lankidetza programaren funtsen bidez. Zehazki, sei proiektu finantzatuko dituzte deialdi horren barruan: Hezhi, Sarebide eta Eusguneak, euskararen alorrean; Lanean, mugaz gaindiko enpleguari dagokiona; eta garraio jasangarriari lotutako bi: Mugaziklo eta Tranfermugi.

Guztira, 23 milioi euroko aurrekontua dute proiektuok, eta horietatik, 14,8 milioi finantzatuko dira Europako funtsekin.